Urriaren 11tik 14ra, Kolonbiako ARC Gloria eskola-ontzi ikusgarriak Getxo bisitatuko du. Erandioko Astilleros Celaya ontziolan eraiki zuten 1968an, eta han Kolonbia, Ekuador, Venezuela eta Mexikoko armadentzat eraikitako lau belaontzi-eskola handien saileko lehena izan zen: Gloria, Guayas, Simón Bolívar eta Cuauhtémoc.

76 metroko luzera, 10 metroko zabalera, 10 bela handi eta 130 laguneko eskifaia dituen ARC Gloria Kolonbiako ontzi enblematikoa da.