Itsasmuseumetik herritarren lankidetzarako kanpaina bat jarri dugu abian, gure itsas historiaren parte diren ontzien jatorrizko koadroak aurkitzeko helburuarekin. Lagunduko diguzu?

Jarraian, Teófilo Guiard-ek 1917an idatzitako La Industria Naval Vizcaína liburuan argitaratutako ontzien margolanen argazkiak erakusten ditugu.

Lan horretan argitaratutako irudiak zuri-beltzean daude, eta horrek zaildu egiten du funtsezko xehetasunak identifikatzea, hala nola banderak edo bestelako ikurrak. Museoaren helburua koadro original horiek aurkitzea da, koloretan eta goi-definizioan argazki berriak egiteko, eta gaur egun ezkutuan dagoen informazio baliotsua berreskuratzeko.