@Fernando Gómez. UPVEHU.

10 urtez artea edukiontzietan erakusketak Edukiontziei buruzko Esku-hartze Artistikoen Lehiaketaren hamar edizioetako obra irabazleen ibilbidea proposatzen du.

Proiektua 2013an hasi zen. Urte horretan, Itsasmuseumek, UPV/EHUrekin eta Aurtenetxea Containersekin lankidetzan, lehiaketa artistiko bat bultzatu zuen, UPV/EHUko Arte Ederren Fakultateko ikasleak itsas edukiontziak hiri-arte lan bihurtzeko gonbidatzen zituena, sormena, tokiko talentua eta esperimentazio artistikoa bide publikoan sustatzeko helburuarekin. 2014an Bilbao Ekintzak antolatzen zuen Bilbao Art District ekimenarekin bat egin zuen eta ikusgarritasuna irabazi.

Erakusketa honek ibilbide bisual bat eskaintzen du obra irabazle guztietan zehar, instalazio artistikoen irudiekin, maketekin eta proposamen bakoitzaren deskribapen labur batekin.

Esku-hartzeen gaia librea bazen ere, oso positiboki baloratzen zen ingurunearekiko eta museoaren kontakizunarekiko harremana. Hautaturiko proposamen guztietatik itsasoa, berdintasuna, jasangarritasuna, industria edo Bizkaiko itsas historia bezalako gaiak jorratzen zituzten ikuspuntu artistiko eta sortzailetik.

@Fernando Gómez. UPVEHU.