Sinesmenetatik zientziara, Bizkaiko kostaldeko tradizioetan, ohituretan eta teknikan barrena ibilbidea

Merkataritza-fragata artillatu bikaina, egitura-xehetasun handiz egina, 1875 eta 1899 bitartean egina, Olabeagako San Nikolas eta Santa Ana elizatik etorria.

Salbamendua itsasoan: mirariaren eta teknikaren artean itsasoari lotutako beldur, sineskera eta arriskuei aurre egiteko sortutako itsas salbamenduko tresnak lantzen dituen erakusketa gune iraunkorra da.

Historikoki, itsasoa amildegi hondogabea izan da gizakiarentzat, gure eskuetatik kanpo dauden arrisku ugari dituen leku eskerga. Hain zuzen ere, ziurgabetasun horrek sortu ditu sineskeria, tradizio, erritu edo zeremonia ugari, jainkoen, birjinen eta santuen babesa eskatuz.

Ibilbidea mirarien, herri-sinesmenen eta sineskerien edo erlijiotasunaren mundua aztertzen hasten da, guztiak terrore- edo ziurgabetasun-egoerei emandako erantzun irrazionalak edo espiritualak, eta teknikan eta ezagutzan egindako aurrerapenek itsasoak dakartzan arriskuei aurre egiteko eskaini dituzten konponbideekin jarraitzen da. Hori guztia, Xabier Armendariz itsas historialari eta gaian adituak egindako pieza, objektu eta artelanen aukeraketa adierazgarri baten bidez.

El Naufragio del Bolivar 1887an gertatu zen Portugaleteko barran, Volador atoiontziak portua gidatzen zuen bitartean

Informazio gehiagorako

Charles Gregoryren koadroa, marinel ingeles ospetsuaren botozko pintura bakarra, 1853an margotua.

Andaribela, Arriluzeko Salbamendu Estazioko lehen ekipamenduetako bat. Lehorretik gertu ezbeharren bat zuten itsasontzietako pertsonak erreskatatzeko erabiltzen zen.

Argazki boto-eskaintza.
Azkorri Mendi baporeak Mantxako kanalean, 1917ko uztailaren 22ko gauean, urpeko alemaniar batek eraso egin zionean jaso zuen jaurtigaietako bat. Ontziaren botozko argazki batekin batera aurkeztu zen.

Tridacna gigas, tamaina handiko molusku exotikoa, ur bedeinkatuari eusteko erabiltzen dena, edo, batzuetan, bataiarri gisa.

Bricbarca 21 de julio boto eskaintza, kalitate tekniko eta xehetasun handikoa. Bere uretaratzea 1876ko uztailaren 21ean Bilbon izan zela uste da. Mota honetako objektuetan ohikoa ez den emakumezkoen bi erretratu aurkezten ditu.