Don Diego hiribilduaren sorreraren 700. urteurrenean, Temas Vizcaínos-Bizkaiko Gaiak bildumak hiru liburuki eskaintzen dizkio “Bilbao en el arte” lanari.
Era honetako lan bat argitaratzen den lehen aldia da: pinturen, grabatuen, marrazkien eta abarren katalogazio zehatza.
Mendeen joan-etorriak, inguruabar historikoek, estilo eta teknika desberdinek… Bilboren gaineko begiraden ugaritasuna beste emaitzarik ezin zuten eman ehunka irudi plastikoren bidez.
Bilbok bere burua asmatu zuen, behin eta berriz, distira eta gainbehera, heriotza eta berpizte, bake eta gatazka, hondamen eta oparotasun continuum batean…
Eta, erdian, artistak hiria denboran zehar islatzen.