Sentimendu kolektiboan, istorio gutxi dira Titanicena bezain oroigarriak. Berea ez da itsasontzi baten istorioa bakarrik, 2.208 pertsonarena baizik.
Dena 1912ko apirilaren 10ean hasi zen, Southamptongo portuan, goizeko 12etan, aingura jasotzen ari zenean, ordura arte, eta urte asko geroago, nabigazioaren historiako ontzirik handiena izan zena. Ontzian, bizitza hobe baten bila doazen bidaiariak adina amets. Atzera, haietako askorentzat, ahaztu beharreko bizitza. Aurrean, etorkizuna aurkitzeke. Hala ere, lau eguneko nabigazioa nahikoa izan zen 1.703 bizitza desegiteko. Azken batean, 1.703 ilusio.
Titanic, the Exhibition erakusketa bereziki hunkigarria izan da Zientzien Parkearentzat inauguratu zenetik. 2006ko apirilaren 10ean, goizeko 12:00etan, ontziak Southamptonen bidaia hasi eta 94 urtera, Millvina Deanek, bidaia hartatik bizirik atera zen bakarra, telefonoz lagundu zidan erakusketaren irekiera ofizialean. Millvina Titanic-en ontziratu zen 38 egun eskasekin eta bidaiaririk gazteena izan zen. Istripuan aita galdu zuen. Hainbeste urte geroago, bere emozioa gurea izan zen inaugurazio egunean.
Titanic, the Exhibition Zientzien Parkera iritsi da erakusketaren jabea den Titanic Centenary 2012 S.L.-rekiko lankidetza-hitzarmen bati esker. Bederatzi hilabete Granadan. Bederatzi hilabete amets egin ahal izateko.